2022 жылы мемлекет және қоғам қайраткері, қазақ тіл білімі мен әдебиеттанудың негізін қалаушы, түрколог, публицист, педагог, ақын, қазақ әліпбиінің алғашқы реформаторы, ғалым Ахмет Байтұрсыновтың 150 жылдық мерейтойы өтеді.

"Ол бүкіл саналы өмірін қазақ жерінің тұтастығы үшін ұлттық мүдделерге арнады, ол большевиктік билікке ашық қарсы шықты. Ахмет Байтұрсынов пен мемлекеттің тұтастығы, ұлттың тұтастығы - бірдей ұғым", - деп мәлімдеді сенатор премьер-министр Асқар Маминнің атына жолдаған депутаттық сауалында.

Ахмет Байтұрсыновтың ең үздік 10 өлеңі

Ол осыған байланысты депутаттардың ұсыныстарын атап өтті.

"Рухани жаңғыру" бағдарламасының ұлттық жаңғыруы аясында елорда көшесінде Ахмет Байтұрсыновқа ескерткіш орнатылсын. Мұндай сәулет ескерткіштерін ол жұмыс істеген Қызылорда, Семей, Алматы қалаларында да орнату қажет.

Қостанай облысы әкімдігі қазіргі Ахмет Байтұрсынов атындағы ауылға баратын жолды жөндеу,сондай-ақ әкесі Байтұрсын мен ағасы Қали және осы әулеттің ұрпақтары жерленген қабірге кесене салу және музей-үйді жөндеу бойынша нақты міндеттер қойылсын", - деді Алтынбек Нұхұлы.

Сондай-ақ, оның айтуынша, Байтұрсыновтың өмірі туралы көркем фильм түсіріп, деректі фильмдерді жаңарту қажет.

"Байтұрсынов атындағы Тіл білімі институты жанынан Ахметтану академиясын ашып, оны қаржыландыру көзі анықталсын. (...) Наурыз айының соңында біздің сенат ғимаратында парламенттік тыңдаулар өткізу жоспарланып отыр. Бұл Ахмет Байтұрсыновты құрметтеу шараларының бірі. Менің ойымша, бұл біздің ұлы ғалым алдындағы парызымыз", - деп түйіндеді сенатор.

Талқылау