Депутат Бақытжан Базарбек Бишімбаевтың үкімін осыған ұқсас басқа істерге қатысты әділетсіз деп атады
Мәжіліс депутаты Бақытжан Базарбек экс-министр Қуандық Бишімбаевтың үкіміне қатысты пікір білдірді. Мәжілісмен сот жүйесінде заң үстемдігі жоқ деп есептейді. Бұл туралы Stan.kz ақпарат агенттігі хабарлайды.
Фото: www.parlam.kz
“Зардап шеккен отбасы сот шешімімен келісіп отыр. Мен сот шешіміне күмән келтірмеймін. Бірақ бұл әлі соңғы шешім емес. Әлі апелляциялық кезең бар. Сот шешімі әлі өзгеруі мүмкін. Біздің сот тәжірибемізде небір жағдай болуы мүмкін. Біз әзірге бар болғаны бірінші сот кезеңінің шешімін алдық”, – деді Бақытжан Базарбек.
Депутат сот шешіміне күмән келтірмейтінін мәлімдеп, оның мерзімін әлі ұлғайтуға немесе қысқартуға болатынын атап өтті.
"Мен сот ісінің басқа тұсын атап өткім келеді. Бізде жаза тағайындауда бұрмалаушылықтар бар. Бишімбаев ісі үлкен резонанс тудырғандықтан, айыпталушы 24 жылға бас бостандығынан айырылды. Осыған ұқсас басқа істе әйелін өлтіргендер 10, 8, 7 жылға сотталады. Бұл кім үшін әділ? Мен мұны әділ деп санамаймын. Онда да туыстары қатты зардап шегеді. Онда да жақындары психологиялық қиындықтарға тап болады. Біз бірыңғай сот тәжірибесіне ұмтылуымыз керек", – деді ол.
Ол жазаның жалпыға бірдей болуы керек екенін атап өтті.
Бишімбаевқа қатысты сот процесі Қазақстанда ғана емес, шетелде де кең резонанс тудырды. Күн сайын сот отырысының тікелей трансляциясы әлемнің түкпір-түкпірінен қаралды. Еуропаның бірқатар елдерінде марқұм Салтанатты еске алуға және Қазақстандағы әйелдер құқығын қорғауға арналған митингілер де ұйымдастырылды.