Денсаулық сақтау министрі түсік жасатуға тыйым салу туралы сұраққа жауап берді

Денсаулық сақтау министрі Ажар Ғиният Қазақстанда түсік жасатуға заңнамалық тыйым салу талқыланбағанын жеткізді, деп хабарлайды Stan.kz ақпарат агенттігі.

"Еліміздегі денсаулық сақтау жүйесі туралы кодексте әйелдің репродуктивті құқығы қарастырылған. Яғни әйел өз баласының туылу туылмауын өзі шешеді және жоспарлайды. Сондықтан түсік жасатуға тыйым салатын нормалар жоқ және әзірге олар заңнамалық тұрғыдан қарастырылмайды", - деп түсіндірді Ажар Гиният.

Министрдің айтуынша соңғы жылдарда түсік жасату көрсеткіштерінің санының күрт өсуі байқалмаған.

• Петропавлда танымал көп балалы отбасында он сегізінші бала дүниеге келді

• Шымкенттік студент жасырын босанып, баладан бас тартқан: Алайда кейін бір ғажайып орын алды

“"Жүктілік туралы нақты медициналық, әлеуметтік көрсеткіштер бар. Сондықтан түсік тастауға байланысты сауалдар медициналық қызметкерлер мен перинаталды орталықтар деңгейінде комиссиямен жүргізіледі. Онда ең жақсы дәрігерлер әйел денсаулығына байланысты салдарын түсіндіреді және операцияның өзі туралы хабардар етеді", - деп толықтырды Ажар Гиният.