Денсаулық сақтау министрлігі карантин талаптарын бұзғандардың аттарын жариялауға құқылы ма?
Денсаулық сақтау министрі Алексей Цой "қызыл" статусы бола тұра карантинді бұзғандардың тізімі не себепті жарияланғанын айтты, деп хабарлайды Stan.kz ақпарат агенттігі.
Қазақстанда алғаш рет айыппұл салынған тұрғындардың тізімі жарияланды. Журналистер министрден карантинді бұзғандардың аты-жөнін жариялау медициналық құпияны ашу емес пе деп сұрады.
Денсаулық сақтау министрлігінің басшысы үкіметаралық комиссия консультацияларды, соның ішінде заңды консультацияларды басшылыққа алды, тиісті қорытынды бар деп сендірді.
"Денсаулық туралы кодекстің 273-бабының 4-тармағына сәйкес медицина қызметкерінің құпиясы саналатын мәліметтерді тұлғаның келісімінсіз беру шарты қарастырылған. Ол қоршаған ортаға қауіп төндіретін аурудың таралу қаупі болған кезде қолданылады. Қолданыстағы нормативтік құжаттарға сәйкес ковид айналаға қауіп төндіретін індет болып саналады", – деп түсіндірді Цой.
Сонымен қатар коронавирус жұқтырған науқасқа үйде оқшаулану тәртібін сақтау қажеттілігі туралы қолхат тапсырылады, онда жеке деректерді өңдеуге келісім бар екенін айта кетті.
"Науқаспен байланыста болған немесе инфекцияны жұқтырған және заң бойынша үйде отыруға міндетті адамдардың аты-жөні жарияланады. Оларға мұның бәрі қолхатпен хабардар етілген", – деп түйіндеді министр.