ChatGPT-дің көмегімен емделмек болған қазақстандық ауруын асқындырып алған
Шымкентте ChatGPT-дің көмегімен емделмек болған 34 жастағы ер адам ауруын асқындырып алды. Бұл туралы Stan.kz ақпарат агенттігі Atameken Business арнасына сілтеме жасап хабарлайды.
Шымкент қалалық №2 ауруханасының бас дәрігері Бақытжан Позилов жасанды интеллект адам өміріне қауіпті ем жүргізгенін атап өтті. Дәрігердің айтуынша, науқас жасанды интеллектке сараптама нәтижелерін жүктеп, 1 ай бойы ем қабылдаған.
Қазақстандықтар енді “жасанды интеллект - терапевтке” қарала алады
“Жақында маған 34 жастағы науқас келді. Қолында барлық анализдері бар. Бауыр циррозымен ауырады екен. ChatGPT-ге ауруханадар алған барлық қағаздарын жүктеген, ал ол бұған ем жазып берген. Ер адам сол емді бір ай бойы қабылдаған. Біз қарап шығып, олай емделуге болмайды, мүлде дұрыс емес. Тіпті, денсаулығына қауіпті ем қабылдағанын ер адамға әрең түсіндірдік. Қазір осы жасанды интеллектпен емделіп жүрген қаншама науқастар болуы мүмкін. Осы бізді алаңдатып отыр”, – дейді дәрігер Бақытжан Позилов.
Еске салсақ, бұған дейін Қазақстанда мемлекеттік қызметкерлерге жұмыс барысында ChatGPT-ді қолдануға рұқсат берілген еді.
Ұстазының жетекшілігімен цирк әлеміне келген қазақстандық егіз Cirque du Soleil-де өнер көрсетеді
Алексей: "Cirque du Soleil-ге өтінім жіберіп, жауабын 4 жыл күттік"
"Түрлі тағам пісіремін, өкшелі аяқкиім киіп, саяхаттаймын": Желіде боянғанын көрсеткен 90 жастағы қазақстандық әже жұртты сүйсіндірді
Күнсара әже: "10-15 күн сайын моншаға барып, көп кітап оқып, әдемі жүргенді ұнатамын”