Бұл жолы Пегула бірден брейкпен бастады – 2:0. Дегенмен Елена таразы басын теңестірді – 2:2. Бірақ америкалық теннисші қайта алға кетті – 4:2. Ол сетке доп бергенде, есеп қайта теңесті – 5:5. Рыбакина сол бойда өз геймін беріп қойғанымен, қайыра брейк жасады – 6:6. Тай-брейкте есеп 2:2 болған мезетте жаңбыр жауып кетті. Үзілістен кейін тай-брейкте Елена сәттірек ойнады – 7:6 (7:3). Бұдан соң жаңбырға байланысты матч кейінге қалдырылды.

Осылайша бірінші сеттен кейін бірден үзіліс жарияланды. Осы сәтте желі қолданушылары Елена Рыбакинаның қарапайымдылығына назар аударды. Жауын-шашынға қарамастан, жұлдызды теннисші үзілістердің бірінде бол-бойдың қолшатырды ұстап тұруынан бас тартты. Спортшы өзінің қарапайымдылығын көрсетіп, қолшатырды өзі ұстап отырды.

Қазақстанның бірінші ракеткасының қарсыласы бұл қызметтен бас тартпады.

"Менің Рыбакинаны қолдайтын себептерімнің бірі, оның сұлулығы мен зор талантынан басқа, кішіпейілділігі мен қарапайымдылығы. Ол бол-бойдың орнына қолшатырды өз бетінше ұстауды жөн көрді. Бұл теннисте өте сирек кездеседі", - деді қазақстандықтың шетелдік жанкүйерлері әлеуметтік желіде.

One of the reasons I've come to 💓 Rybakina (besides being immensely talented/beautiful) is her humble and down to earth nature. Here she is choosing to hold her own ☔ instead of a ball boy/girl holding it.
Something you rarely if ever see in 🎾 pic.twitter.com/nqnWAY1caD
— Lil' Bardi (fan account) (@LilBardi__) March 31, 2023

Еске сала кетейік, бұдан бұрын Елена Рыбакина Майами мастерс турнирінің жартылай финалындағы қарсыласын ұта ала ма, соны жазған болатынбыз.

Талқылау