"Бұдан да маңызды сұрақтар бар": Нұр-Сұлтан әкімі қала атауын өзгертуге қатысты пікір білдірді
Нұр-Сұлтан қаласының әкімі Алтай Көлгінов астанадағы көптеген нысандарға Н.Назарбаевтың есімі берілуге қатысты пікір білдірді, деп хабарлайды Stan.kz ақпарат агенттігі.
Әкім қала атауын қайта өзгертуді құптамайтынын мәлімдеді.
“Ресми шешім қабылданып қойған. Барлығымыз осы қалада жұмыс істейміз, тұрамыз. Шынымды айтсам, барлығын қайта-қайта қарауды қолдайтын адам емеспін. Сонымен қатар қала атуын өзгертуден де маңызды сұрақтар бар. Басқа мәселелерді де шешу керек. Шешім қабылданды, біз жұмыс істеп жатырмыз", – деді Алтай Көлгінов.
Қала әкіміне сұрақ қою барысында журналист астанадағы көптеген нысандарға Н.Назарбаевтың атауы берілгенін айтып, бұған қатысты әкімнің пікірін сұрады.
"Оның (ред. Н.Назарбаевтың) тарихтағы рөлін ескеру керек. Бәлкім осыған байланысты шешім қабылданған шығар. Ал қабылданған шешімге қатысты мен пікір білдірмеймін", – деп қосты ол.
"Өзімізді дәлелдедік": Олимпиадада жүлделі орын алған таэквондошылар Қазақстанға оралды
Спортшыларымыз жай келмей, жүлделі орындармен оралды
Қазақстандық әйел жалға алушыны пәтерінен шығара алмай, сотқа берген: Алайда сот қараудан бас тартты
Пәтер иесі: "Жалдау шартын бұзылған деп тану және жалға алушыны пәтерден шығаруды міндеттеу талабым "кәмелетке толмағандардың істері жөніндегі сотқа жүгіну керек" деген негізбен бас тартылды"