Бокстан Азия чемпионатында бұрымды боксшыларымыз топ жарды
Фото:Stan.kz collage
Моңғолияның Ұлан-Батыр қаласында бокстан Азия чемпионатында қазақтың қос боксшысы топ жарды. Бұл туралы Stan.kz ақпарат агенттігі хабарлайды.
Надежда Рябец 70 келіде құрлықтық доданың финалында Өзбекстан елінің өкілі Рухшона Парпиевамен қолғап түйістірді. Нәтижесінде 5:0 есебімен Надежда Рябец жеңіске жетті.
Осылайша, Қазақстан қоржынына алғашқы алтын медаль түсті.
ОқыңызСондай-ақ +80 келіде сынға түскен Дина Исламбекова ақтық бәсекеде үндістандвқ Алфия Пазанмен чемпиондық атақты сарапқа салды.
Шешуші бәсекеде жерлесіміз айқын басымдықпен жеңіп, алты жүлдені өз еншісіне жазды.
Айта кетейік, бұған дейін бұрымдыларымыз Азия чемпионатынан 1 күміс, 2 қола жүлдеге ие болған еді. 70 келіде Бақыт Сейдіш күміс медаль еншілесе, 48 кг Айгерім Сәттібаева мен 75 келіде Валентина Хальзова қола жүлдені қанағат тұтқан.
