Бұл үдерістегі басты мәселелердің бірі мемлекеттік қызмет алушылардың құқықтарын қорғау болып табылады. Облыстың мемлекеттік органдары халықтың барлық санаттары үшін мемлекеттік қызметтердің ашықтығын, жауапкершілігін және қолжетімділігін қамтамасыз етуге бағдарланған.

Мысалы, Мемлекеттік қызмет істері Агенттігінің Батыс Қазақстан облысы бойынша департаменті көрсетілетін қызметтердің сапасын бақылауды және азаматтардың құқықтарын қорғауды жүзеге асырады. Кері байланыс тетіктері, соның ішінде шағымдар мен ұсыныстар мемлекеттік қызметтердің сапасын қамтамасыз етуде маңызды рөл атқарады, бұл азаматтарға өз үміттерін білдіруге және алынған қызметтерге қанағаттану деңгейін бағалауға мүмкіндік береді.

Мәселен, ағымдағы жылдың өткен кезеңінде Департамент атына мемлекеттік қызмет көрсету сапасына 8 шағым келіп түсті, оның ішінде 4 шағым бойынша өтініш берушілердің уәждері өз дәлелін тапты, бұзылған құқықтары қалпына келтірілді.
Мысалы, Департаментке жергілікті атқарушы органның тұрғын үйді жекешелендіруден бас тарту жөніндегі әрекеттеріне шағымданған А. есімді азамат жүгінді.

Шағымды қарау барысында тексеру жүргізілді және мемлекеттік қызмет көрсету тәртібін бұзу фактілері анықталды. Департаменттің ден қою қорытындысы бойынша азаматқа тұрғын үйді жекешелендіру құқығы берілді.

Мемлекеттік органдар қызмет көрсету процестерін жақсарту үшін жүйелі түрде жұмыс істейді, қызмет көрсетудің заманауи технологиялары мен стандарттарын енгізеді, сондай-ақ азаматтардың олардың құқықтары мен мемлекеттік қызметтерді алу мүмкіндіктері туралы хабардарлығын арттыру үшін ақпараттық кампаниялар жүргізеді.

Алайда, атқарылған жұмыстарға қарамастан, мемлекеттік қызметтердің сапасы мәселелеріне үнемі назар аударуды және жетілдіруді талап етеді.

Мемлекеттік қызмет істері Агенттігінің Батыс Қазақстан облысы бойынша департаменті әкімдіктермен, мүдделі органдармен бірлесіп, цифрлық технологияларды енгізе отырып және Мемлекеттік қызметтерді алу рәсімдерін жеңілдете отырып, қызмет көрсету жүйесін жаңғырту бойынша белсенді жұмыс істеуде. Дамудың негізгі бағыттарының бірі-азаматтар әртүрлі мекемелерге жүгінбей-ақ әртүрлі ақпарат пен қызметтерді ала алатын бірыңғай өтініш орталығын құру.

Мемлекеттік қызметтердің сапасын арттыру жолындағы маңызды қадам мемлекеттік қызметшілердің кадрлық әлеуетін жақсарту болып табылады. Тренингтер, біліктілікті арттыру курстарын өткізу және басқарудың заманауи әдістерін енгізу мемлекеттік органдардың қызметкерлеріне қоғамның қажеттіліктерін жақсы түсінуге және қызметтерді барынша тиімді түрде ұсынуға көмектеседі.

Департаменттің бастамасы бойынша Президент жанындағы Мемлекеттік басқару академиясының өңірлік филиалында "Ең алдымен адамдар" арнайы курстары әзірленіп, енгізілді, онда көрсетілетін қызметті берушілердің қызметкерлері ақпараттық жүйелерді пайдалану, клиентке бағдарлану дағдыларын алады, сервисологиямен танысады.

Сондай-ақ, "Aqjayiq" телеарнасында көрсетілетін қызметті алушылардың мемлекеттік қызмет көрсету тәртібі туралы хабардар болуын арттыруға, заңнамадағы жаңалықтармен танысуға бағытталған Elgeqyzmet бағдарламасы іске қосылды.

Сонымен қатар, маңызды аспект - қоғамдық ұйымдармен және жергілікті қауымдастықтармен белсенді қарым-қатынас. Азаматтармен тұрақты диалог қызмет көрсету жүйесіндегі проблемалар мен кемшіліктерді жедел анықтауға, сондай-ақ оларды жою үшін бірлескен шешімдер әзірлеуге мүмкіндік береді.

Мысалы, Департамент жанында Мемлекеттік қызмет көрсету мәселелері бойынша ведомствоаралық жұмыс тобы өз қызметін атқарады. Жұмыс тобының отырыстарында мемлекеттік қызмет көрсету сапасын арттыру бойынша ұсыныстар әзірленеді.

Мемлекеттік басқаруды жетілдіру және қолайлы жұмыс ортасын құру жөніндегі тұрақты жұмыс шеңберінде мемлекеттік қызмет істері агенттігі уәкілетті орган ретінде мемлекеттік қызметшілердің құқықтарын қорғау мәселесіне белсенді назар аударуды жалғастыруда.

Мемлекеттік қызметшілер мемлекеттік қызметтердің тиімділігі мен сапасын қамтамасыз етуде, сондай-ақ қоғамдық тұрақтылықты сақтауда маңызды рөл атқарады. Осыған байланысты олардың құқықтарын қамтамасыз ету бойынша дәйекті шаралар қабылдануда.

Ағымдағы жылы уәкілетті органның аумақтық департаменті 82 мемлекеттік қызметшінің құқықтарын қорғады және қалпына келтірді.

Мысалы, Департаменттің әзірленген ұсынысы бойынша Д. азаматтың өтінішін қарау нәтижелері бойынша, 2023 жылғы жұмыстың қорытынды бағасының нәтижелері және есептелген бонустың мөлшері қайта қаралды.

Заңнама талаптарының сақталуына жүргізілген мониторинг қорытындысы бойынша іссапар шығыстарына ақы төлеу қамтамасыз етілді, белгіленген мерзімде төлем алмаған 23 мемлекеттік қызметшіге 1 193 500 теңге мөлшерінде қайтарылды, 7 мемлекеттік қызметшіге заңсыз және негізсіз салынған тәртіптік жазалары жойылды, 16 мемлекеттік қызметшіге жұмыс уақыты режимін бұзғаны үшін қосымша 11,08 сағат демалыс берілді.

Батыс Қазақстан облысында мемлекеттік қызметтердің сапасын және тиімді мемлекеттік аппаратты қамтамасыз ету-өңірді дамыту стратегиясының маңызды элементі.

Қызмет көрсету үдерістерін ұдайы жетілдіру, әкімшілік рәсімдердің қолжетімділігі мен ашықтығын арттыру азаматтардың өмірі мен жұмысы үшін қолайлы орта құруға ықпал етеді, сондай-ақ инвестициялар тартады және облыстың тұрақты әлеуметтік-экономикалық дамуына ықпал етеді.

Талқылау