Жанат Дәулетованың 12 жасар қызы сал ауруына шалдыққан. Оның үстіне талмасы тағы бар. Ара-кідік диспансерге әкелетін баласын енді күнде жеткізуге міндеттеулері мүгедектерге жасалған мазақ дейді. Қалаға ауданнан қатынайтын ана оған көнсе, айына кемі 80 мың теңге таксиге төлеуі тиіс.

“Директордың алдына кіріп сұрадым. Стандарт жүйесі 2015 жылы шықты дейді. Шыққанмен де ол қаланың ішіндегілерге айтылған мәселе. Біз сияқты ауданнан, Пригородтан келетіндерге оңай емес, таксиге отырам”, – дейді мүгедек баланың анасы Жанат Дәулетова.

Жанат секілді ашынған аналар жиналып, базыналарын бүкпесіз айтты. Оларға енді күндізгі стационар болмайды деген хабарды сәуірдің басында айтқан. Ата-аналарда тек екі таңдау бар. Не баласын диспансерге өткізеді, болмаса күнде әкеліп тұруға міндеттеледі. Мекемедегілер мүгедек балаларды тұрақты тұруға қабылдауға әзір екен. Ондай жағдайда ата-аналары кемтар балаларының күтімі үшін ай сайын алатын 70 мың теңгеден қағылады.

“Бір ай уақыт бердік. Яғни,30 күннің ішінде тұрақты бөлімге ауыстыруыңызға болады, бөлімде орын бар деп хабарлама берген болатынбыз. Тұрақты бөлімге деп жазып алып келсе біздер қабылдаймыз”, – дейді психоневрологиялық диспансердің күндізгі бөлім меңгерушісі Жадыра Қаракешева.

Диспансер қабылдаудан қашпаймыз дегенмен, ата-аналардың бұл талаппен келіскісі жоқ. Қызылкеңірдек болған бүгінгі кеңестен әзірге екі тарап та ешқандай тоқтамға келе алмай тарқасты.

Оқи отырыңыз:

Атбасарда қымбат көлігімен адам басып өлтірген байдың ұлы ұсталды

Танымал қазақ сатиригі өзінен 32 жас кіші әйелін көрсетті (фото, видео)

Түркістанға бұрынғы Тұран атауын қайта қою туралы ұсыныс айтылды

Instagram-ның кесірінен болған өлім: Павлодарда омбылық студентті өлтірген жігіт сотталды

Талқылау