"Біз соғыс жағдайындамыз": ХАМАС әскерінің шабуылына жауап ретінде Израиль қарулы күштері дайындыққа көшкенін мәлімдеді

Газа секторынан содырлардың шабуылдары мен зымырандық соққыларға жауап ретінде Израиль Қарулы Күштері дайындыққа көшті. Бұл туралы Stan.kz ақпарат агенттігі хабарлайды. 

7 қазан күні таңертең Хамас топтары Израильдің Газа секторымен іргелес шекаралас аймақтарға кірген. Оқиғаның куәгерлері әлеуметтік желіде қала көшелерінде болған атыстың видеоларын жариялады.

Оңтүстік және орталық аудандардың тұрғындарына баспаналарынан шықпауға және ұзамауға кеңес берілді, ал Газа секторына іргелес жатқан шекаралық аудандарда баспаналарында тұру ұсынылды.

Осыдан кейін Израильдің қорғаныс министрі Йоав Галант та резервшілерді жаппай жұмылдыру туралы мәлімдеді.

Израиль БАҚ- тарының мәліметінше, соңғы мәліметтер бойынша, 20 адам көз жұмып, 500 адам жарақаттанған. 

Израиль премьер-министрі Беньямин Нетаньяхудың мемлекетінің "соғыс" жағдайында екенін айтқан мәлімдемесі жарияланды.

"Израиль азаматтары, біз соғыс жағдайындамыз. Бұл операция емес, эскалация емес - бұл соғыс. Біз жеңеміз. ХАМАС бұл үшін жауап береді", - деді премьер.

Естеріңізге сала кетейік, бір аптаға созылған шиеленістен кейін Израильдің Газамен тұрақсыз шекарасы және Израиль басып алған Батыс жағалаудағы қақтығыстардан кейін осы жылы Израиль әскері 200-ге жуық палестиналықтарды өлтірді.