"Біртановпен бірге ұшақта болған": Тағы бір министр өзін-өзі оқшаулады
Экология, геология және табиғи ресурстар министрі Мағзұм Мырзағалиев коронавирусты жұқтырған министр Елжан Біртановпен байланысқаннан кейін өзін-өзі оқшаулады, деп хабарлайды Stan.kz ақпарат агенттігі.
"Министр өзін-өзі оқшаулады. Ол "контактілер" тізімінде - Елжан Біртановпен бірге ұшақпен ұшып келді. Бірақ таңертең аппараттық кеңес және жоспар бойынша барлық іс-шаралар өтеді. Министр үйден бәрін өткізеді", - деп хабарлады ведомствоның баспасөз хатшысы Самал Ибраева.
Ол Мырзағалиевтің коронавирусты анықтайтын тестінің теріс нәтиже көрсеткенін атап өтті.
"Апта соңында ол тағы да тест тапсырады", - деп нақтылады ол.
Жақында Елжан Біртановтың "қатаң санитарлық шараларға қарамастан" коронавирус жұқтырғаны белгілі болды.
Осыдан кейін Біртановпен байланыста болған премьер-министр Асқар Мамин, білім және ғылым министрі Асхат Аймағамбетов, Жамбыл облысының әкімі Бердібек Сапарбаев, ауыл шаруашылығы министрі Сапархан Омаров өзін-өзі оқшаулады.
Талқылау
"Декретке миллионмен" дауы: Курстың негізін қалаған депутат Дәулет Мұқаевқа тексеріс жүргізіле ме?
Депутат Дәулет Мұқаев курстағы негізгі ойды түсіндіре келе, әйелдерді заңды жолды ұстануға шақырды
Енді "Отбасы Банк" монополиясы болмайды: Ипотекалық несиелендіру реформасынан қандай жақсы өзгерістер күтеміз
Сарапшы: "Бұл ұзақ мерзімді перспективада банктік жүйеге де оң әсер етеді. Уақыт өте келе қаржыландыру арзандайды, яғни ставкалар төмендеп, неғұрлым қолайлы деңгейге жетеді”