"Бір әуекомпаниямен еркелемеңіздер": Тоқаев Қазақстаннан шетелге тікелей әуе рейстерін ашуды тапсырды

Президент Қасым-Жомарт Тоқаев Қазақстан әуежайларында «ашық аспан» режимін енгізу қажеттігін айтты.

Тоқаев «Бір компаниямен еркелеуге болмайды» деп баса айтты.

«Елорданы әлемнің қалаларымен және халықаралық қаржы орталықтарымен тікелей рейстер арқылы байланыстыру өте маңызды. Басқаша айтқанда, "ашық аспан" жүйесін ашу керек. Бұл менің үкіметке берген тапсырмам. Қорқатын ештеңе жоқ, бір компанияға қараудың қажеті жоқ. Ол тіпті ең танымал болса да», - деді мемлекет басшысы.

Бұған дейін индустрия және инфрақұрылымды дамыту министрі Бейбіт Атамқұлов Нұр-Сұлтан, Алматы, Шымкент, Өскемен, Павлодар, Көкшетау, Петропавл және Семей әуежайларында «ашық аспан» режимі енгізілетіндігін хабарлаған болатын.

«Ашық аспан» режимі шетелдік әуеайлақтардың осы әуежайларға ұшуына шектеулерді алып тастауға мүмкіндік береді. АҚШ «ашық аспан» қағидаты туралы келісімге қол қояды деп үміттенетіні және бизнесті дамытуға Қазақстанға көмек беруге дайын екендігі туралы хабарланды.

Нұр-Сұлтанда елорданы одан әрі дамыту бойынша кездесу өтті. Президент Қасым-Жомарт Тоқаев үкіметке қала әкімдігімен бірге инфрақұрылым салу және арнайы экономикалық аймақты жылумен қамтамасыз ету бойынша шаралар қабылдауды тапсырды. «Қаланы дамытуға қатысты нұсқауларды орындамағандарды» Тоқаев жұмыстан босатуды бұйырды.