36 жастағы Сатьяджит Манаговинд Самал өзін барлау бюросының офицері ретінде таныстырып, қалыңдық пен күйеу жігіттерді табу үшін веб-сайтта құрбандарды алдаған. Ол әдетте ажырасқан әйелдерді таңдап, олармен некеге тұру туралы келісімге келіп, сосын олардан ақша алып, Дубайға қашып кеткен.

"275 тағам түрі, Рианна және Марк Цукерберг": Үндістанда 113 миллион долларлық той өтіп жатыр

"Өрт шығып, су тапшылығы туындады": Үндістанда ауа температурасы рекордтық 52 градусқа дейін жеткен

Алаяққа қатысты тергеу оның екі әйелінің арызынан кейін басталды. Олардың бірі Самалдың өзін жыныстық қатынасқа түсуге мәжбүрлегенін, одан көлік сатып алу үшін 815 мың рупий (4 миллион 654 мың теңге) талап еткенін айтқан.

Әйелдің айтуынша, ол күйеуі үшін несие алып, бизнесін дамытуға тағы 3,6 миллион рупий (20 миллион теңге) берген.

Самал полиция қызметкерінің арқасында қолға түсті. Полиция танысу сайты арқылы бір жігітпен танысып, оны кездесуге шақырып, қолға түсірген. Қылмыскердің қолма-қол ақшасы, көлігі мен тапаншасы тәркіленіп, есепшоттарына тыйым салынды. Самалдың телефонынан 49 ықтимал құрбанмен хат-хабар табылды.

Айта кетейік, бұған дейін 25 жастағы үндістандық мейіргер ем алып жатқан 50 жастағы қазақстандық әйелді зорлады деген күдікпен қамауға алынған еді.

Талқылау