IZI мен BeeTV-да қазақстандық шоу-бизнес туралы жаңа музыкалық сериал шықты
Желтоқсанның 12-і BeeTV сервисі мен IZI қосымшасында эксклюзивті түрде қазақстандық "Жаңа Жанель" сериалы басталды. Музыкалық-комедиялық ситкомда басты рөлді танымал әртіс, еліміздегі белгілі топтың экс-қатысушысы және бірқатар хиттер авторы Жанар Дугалова сомдады. Бұл қазақстандық аудиторияға арналған BeeTV мен IZI-дің бірлесіп түсірген алғашқы сериалы.
Көрермендер барлығы он сериядан тұратын 20 минуттық сериалды әр апта сайын ақпанның 6-сына дейін тамашалай алады.
Сюжетте 2000-жылдары танымал болған қыздар тобының бұрынғы поп-жұлдызы Жанельдің оқиғасы баяндалған. Музыкалық мансабын жеке өміріне байланысты тастап кеткен арудың ауқатты қамқоршысы тұтқынға алынғандықтан, Жанель барынан айырылады. Дүние-мүліктен құралақан қалған басты кейіпкер көптен бері байланысын үзген әпкесіне барады да, өз өмірін таза парақтан бастауға бел буады. Музыкалық мансабымды жалғастырам деген шешімге келген басты кейіпкер заманауи шоу-бизнестің қиындықтарына тап болады. Дегенмен, Жанельдің өз-өзіне деген сенімі күннен күнге арта түседі. Сериал музыка индустриясының көлеңкелі тұстарын әзілмен көрсеткен. Сонымен қатар қиындықтарды еңсеріп, өзін-өзі алға сүйрейтін әйелдердің көшбасшылығын баяндайды.
"Бұл сериал мен үшін өте қызық сынақ болды. Жанель – мықты әрі нәзік кейіпкер. Ол бәрін басынан бастауға ешқашан кеш емес екенін көрсетеді. Мен осындай шабыт берер, сонымен бірге еліміздегі отандық сериалдар индустриясының дамуына үлес қосар жобаның бір бөлігі болғаныма қуанамын", - деді Жанар Дугалова.
"Жаңа Жанель" сериалындағы әндер де назар аударуға тұрарлық. Жанар Дугалова жобаның ресми саундтрегіне айналған екі эксклюзивті ән жазды. Өнер иесі оларды орындап қана қоймай, тректерді өзі жазды. Екі композицияға да клип түсірілді және сериалдан әртістің бұрынғы хиттерін де ести аласыздар.
Сериалды жасаған топ дайын әндерді пайдаланбады. Олар сюжеттің атмосферасын толық сезіндіретін арнайы музыкалық әлем әзірледі. Сериалда ойналатын 2000-жылдар композициялары дәл сол кездің стилі мен дыбысын жеткізеді. Ал заманауи тректер қазіргі музыкалық трендтерге сәйкес келеді. Бұл тәсіл көрермендерге шоу-бизнестің өте өзгермелі екенін көрсетеді.
Жобаға Санжар Мәди, Дулыға Ақмолда, Нора Нұғман, Дарья Александрова және басқа да көптеген мықты актерлер қатысты. Шақырылған жұлдыздардың қатарында әнші Kalifarniya, әртіс Гүлнара Сильбаева және Ирина Қайратовна тобындағы Алдик те бар. Сериалдың режиссері — Дамир Тастымбеков болса, продюсері — Жандос Айбасов.
"Жаңа Жанель" қазақстандық аудитория үшін қызықты оқиға болмақ. Сериал сахна артын әзілдеп көрсете отырып, көрермендерге ерекше ой ұсынбақ. Көрермендер кейіпкерлерге қарай отырып, қазақстандық шоу-бизнестің белгілі жұлдыздарын танып қоятыны анық.
Алғашқы екі серия IZI қосымшасы мен BeeTV сервисіне шықты. Жанельдің оқиғасы мен оның жаңа өмір үшін күресі қалай жалғасатынын апта сайын көріңіз.