Батыс Қазақстан облысының әкімі су тасқынынан зардап шеккен тұрғындарға салынатын үйлердің құрылысын жеделдетуді тапсырды
Батыс Қазақстан облысының әкімі Нариман Төреғалиев облыстық құрылыс басқармасы мен аудан әкімдеріне су тасқынынан зардап шеккен тұрғындарға салынатын үйлердің құрылысын жеделдетуді тапсырды.
"Зардап шеккен тұрғындарға салынатын тұрғын үйлерді уақытында аяқтау жөніндегі Мемлекет басшысының тиісті тапсырмасы бар. Сондықтан құрылыс жұмыстарын жеделдету қажет. Сырым, Бөрлі, Қаратөбе, Теректі аудандарында құрылыс жұмыстары басталды. Құрылыс басқармасы мен аудандардың әкімдеріне барлық жұмыстарды уақытылы аяқтап, тұрғын үйлердің сапасына баса назар аударуды тапсырамын"- деп атап өтті облыс әкімі.
Аудандарда құрылған арнайы комиссиялар су тасқыны шығындарын анықтау бойынша қажетті жұмыстарды жүргізуде.
Қазіргі уақытта жаңа тұрғын үйлер салу үшін жер учаскелері белгіленді. Мердігер компаниялар анықталып, құрылыс жұмыстары басталды.
Құрылыс жұмыстарын бақылау облыс әкімінің тапсырмасына сәйкес, салаға жауапты орынбасарына тапсырылды.
Талқылау
Қазақстанда тұрғын үйлердің сапасын кім тексереді және өз үйінің қауіпсіз емес екенін білгендер қайда жүгіне алады
Заңгер тұрғын үйдегі ақауларды мүмкіндігінше ертерек құжат жүзінде тіркеудің маңызын атап өтті
“Жыл сайын бала туамын деп жақында көз жұмды”: Қазақстандық әйелдер ер адамдардың вазэктомия жасатуын талап етіп жатыр
Уролог вазэктомияның ер адамдардың денсаулығына әсерін түсіндірді