"Баспаналарын 2 жыл бойы күткен": Атырауда үлескерлердің 650 млн теңгесін қалтаға басқан құрылыс салушылар ұсталды
Атырау облысында үлескерлердің қаражатын заңсыз иемденді деген күдікпен екі бірдей құрылыс салушыға қатысты сотқа дейінгі тергеп-тексеру басталды. Бұл туралы Stan.kz ақпарат агенттігі хабарлайды.
Атырау қаласының прокуратурасы құрылыс салушылардың заңсыз қызметін тоқтатты. "Nazik group" ЖШС және "Андорра Констракшн" ЖШС құрылтайшылары тұрғын үйдің үлестік құрылысына 650 млн теңге салған 30-дан астам азаматтың қаражатын заңсыз иемденді деген күдікке ілінді.
Күдіктілердің заңсыз әрекеттерінің салдарынан үлескерлер 2 жыл бойы баспана ала алмаған.
Серіктестіктердің құрылтайшылары сот санкциясымен қамауға алынды.
"Әрбір азамат қырағы болуы тиіс және объективті хабардар болу үшін жергілікті атқарушы органдардың құрылыс бөліміне немесе басқармасына жүгіну қажет",- деп хабарлады облыс прокуратурасы.
Қазақстан Республикасының Қылмыстық-процестік кодексiнің 201-бабына сәйкес тергеу мүддесінде өзге ақпарат жария етуге жатпайды.
Екі күнде үш рет төтенше жағдайда қонды: Авиация сарапшысы қыс мезгілінде ұшудың қаншалық қауіпті екенін айтты
Абыл Кекілбаев төтенше қонулар авиакомпанияларға тек ерекше жағдайда ғана жасалатынын айтты
Қолданыста жүргеніне 50 жылдан асқан: Астанадан ұшқан қазақстандық ұшақтағы түсқағазды көріп жағасын ұстады (видео)
Желі қолданушысы: "Қатты дыбыстан құлақ бітіп қалды, ұшақ қирап қалатындай көрінді"