Үкімет Өнеркәсіп және құрылыс министрлігі мен Qazaq Smelter ЖШС арасында мыс балқыту зауытын салу жөніндегі инвестициялық келісімді мақұлдады. Тиісті қаулыға Премьер-министр Олжас Бектенов қол қойды.

Жаңа кәсіпорын Қарағанды облысының Балқаш қаласында бой көтереді. Құрылыс жұмыстары 2027 жылы басталып, зауытты 2030 жылы пайдалануға беру жоспарланған.

Үкіметтің мәліметінше, жаңа кәсіпорын шамамен 1200 адамды тұрақты жұмыспен қамтиды. Зауыт іске қосылған кезде қызметкерлердің 90 пайызын қазақстандық мамандар құрайды. Ал бес жыл ішінде бұл көрсеткіш 95 пайызға дейін өседі.

Сонымен қатар инвестор Қарағанды облысындағы оқу орындарында 50 студенттің білім алуын қаржыландыру міндетін өз мойнына алған.

Жобаға жеке инвесторлар 750 миллиард теңге инвестиция салады.

Зауыттың жылдық өндірістік қуаты:

300 мың тонна катодты мыс;
10 тонна алтын;
300 тонна күміс;
1,5 миллион тоннадан астам күкірт қышқылын өндіруге мүмкіндік береді.

Зауыт іске қосылғаннан кейін Қазақстандағы мыс өндірісінің жалпы көлемі 1,5 есеге артады. Қазіргі өндіріс көлемі жылына 800 мың тоннадан асады деп деген болжам бар.

Өмір айнасы

Айым Болатқызы

Бейсенбі, 30 Шілде, 2026 09:47

Біздің таңдауымыз

Қазақстанда орынбасарлары сотталған әкімдер отставкаға кетті ме: Шолу

Қазақстан заңнамасында орынбасары сыбайлас жемқорлық қылмысы үшін сотталған әкім 10 күн ішінде отставкаға өтініш беруі тиіс

Дәрігерден медбикеге дейін ақша сұрайды: Қазақстандық келіншектер перзентханадағы былықтарды ашты

Пікір қалдырғандардың басым бөлігі кейбір перзентханаларда көрімдік сұрау қалыпты жағдайға айналып кеткенін айтты