БАӘ-де Атом электр станциясына дронмен соққы жасағаннан кейін өрт шықты
Біріккен Араб Әмірліктеріндегі "Барака" атом электр станциясына дронмен жасалған шабуыл салдарынан өрт шықты. Бұл туралы Stan.kz ақпарат агенттігі Reuters хабарлайды.
Өрт Аль-Дафра өңіріндегі атом электр станциясының ішкі аумағынан тыс жерде орналасқан электр генераторында шыққан. Абу-Даби эмиратының арнайы қызметтері жедел әрекет етті. Қаза тапқандар мен зардап шеккендер туралы ақпарат түскен жоқ.
БАӘ-нің Атомдық реттеу жөніндегі федералдық басқармасы өрттің станция қауіпсіздігіне және оның негізгі жүйелерінің жұмысына әсер етпегенін мәлімдеді.
МАГАТЭ Біріккен Араб Әмірліктерінің билігіне сілтеме жасап, "Барака" атом электр станциясындағы радиация деңгейі шабуылдан кейін де қалыпты шекте екенін мәлімдеді.
"МАГАТЭ жағдайды мұқият бақылап отыр және қажет болған жағдайда көмек көрсетуге дайын бола отырып, БАӘ билігімен тұрақты байланыста", – делінген хабарламада.
МАГАТЭ басшысы Рафаэль Гросси оқиғаға байланысты алаңдаушылық білдіріп, "ядролық қауіпсіздікке қатер төндіретін әскери әрекеттерге жол беруге болмайтынын" атап өтті.
БАӘ билігі шабуылдың қайдан жасалғанын анықтау үшін тергеу жүргізіп жатқанын мәлімдеді. Сондай-ақ ел тарапы мұндай "террористік шабуылдарға" жауап қайтаруға толық құқығы бар екенін жеткізді.
ОқыңызБАӘ президентінің дипломатиялық кеңесшісі бұл оқиғаның "негізгі орындаушы" немесе оның жақтастарының бірі тарапынан жасалғанына қарамастан, қауіпті шиеленіс екенін атап өтті.
Бұған дейін БАҚ БАӘ-нің Иранға қарсы соғысқа жасырын түрде қатысқаны туралы жарыса жазған еді. Атысты тоқтату режимі кезінде БАӘ Парсы шығанағындағы Иранға тиесілі Лаван аралындағы мұнай өңдеу зауытына соққы жасағаны айтылды. Шабуыл салдарынан үлкен өрт шығып, зауыт қуатының едәуір бөлігі бірнеше айға істен шыққан.
"Кәрісің, бізге жастар керек дейді": Қазақстандықтар 35-40 жастан кейін жұмысқа тұра алмайтындарын айтып, шағымданды
