Азия ойындары-2025: Қазақстан құрамасы қоржынына тағы бір күміс медаль түсті
Қытайдың Харбин қаласында өтіп жатқан 2025 жылғы қысқы Азия ойындарында ерлер құрамасы биатлоннан тағы бір медаль жеңіп алды. Бұл туралы Stan.kz ақпарат агенттігі хабарлайды.
Фото: olympic.kz
Биатлоншылар 4x7.5 шақырымдық бағдарламада сынға түсті. Қазақстан құрамасы бұл жарыста мәреге екінші болып келіп, күміс жүлдені еншіледі.
Құрама сапында бұл бәсекеге Александр Мухин, Әсет Дүйсенов, Кирилл Бауэр және Владислав Киреев қатысты.
Ал алтын жүлдені Жапония спортшылары ұтты. Үздік үштікті Қытай құрамасы түйіндеді.
Осылайша Харбинде өтіп жатқан 2025 жылғы қысқы Азия ойындарында биатлоншылар төрт медаль жеңіп алды. Спринт бәсекесінде Владислав Киреев алтын алса, Вадим Куралес күміске қол созды. Ал әйелдер құрамасы эстафетада қола жүлдені ұтса, ерлер күміс медаль иеленді.
Айта кетейік, биатлоннан әйелдер құрамасының қола жүлде алғанын жазған едік.
Талқылау
"Шетелде билетсіз, қонақүйсіз далада қалдым": Қазақстандықтар авторлық тур сатып аламыз деп 2 млн теңгеге дейін қаражаттарынан қағылған
Олар 300 мың теңгеден 2 миллион теңгеге дейінгі ақшадан қағылды
"Бөлімше болыңыз, біздің команда": Алматыда косметика дүкенінің қате аудармасы жұрттың ашуын туғызды
Оқырмандардың бірі баспахананың да мұндай немқұрайлығына реніш білдірді