AAPL
146.92 $
0.06 %
TSLA
774.39 $
2.75 %
NDAQ
196.78 $
0.61 %
GOOGL
2844.3 $
0.71 %
FB
352.96 $
2.02 %
FRHC
64.53 $
0.06 %
AAPL
146.92 $
0.06 %
TSLA
774.39 $
2.75 %
NDAQ
196.78 $
0.61 %
GOOGL
2844.3 $
0.71 %
FB
352.96 $
2.02 %
FRHC
64.53 $
0.06 %
Соңғы жаңалықтар
Соңғы жаңалықтар

Әжесі мен немересі супермаркеттен сатып алынған қарбыздан уланып көз жұмды

Мәскеуде үш адамнан тұратын отбасы Магнит дүкенінен қарбыз жегеннен кейін ауруханаға түсті. Немересі мен әжесі көз жұмды, анасы жансақтау бөліміне жатқызылды, деп хабарлайды Stan.kz ақпарат агенттігі.

Елдің денсаулық сақтау департаменті 9 қыркүйекте өткір ішек инфекциясы салдарынан жедел жәрдемге зейнеткерден қоңырау түскенін айтты. Отбасының үйіне келген жедел-жәрдем оған ауруханаға баруға кеңес берген, бірақ әже барудан бас тартқан. 

"Шақыру кезінде науқастардың жағдайы ауруханаға жатқызуды қажет етпеді. Бірнеше сағаттан кейін сол мекен-жайда анасынан жедел жәрдем қоңырауы қайта түсті. Әйел жағдайының нашарлауына байланысты бейінді стационарға жатқызылды", — дейді ведомства.

9 қыркүйек күні кешке екі жедел жәрдем бригадасы әжесі мен жасөспірімге қайта келген. Өйткені олардың денсаулығы нашарлап кеткен еді. Пациенттер дереу бейінді стационарларға жеткізілді. Алайда оларды құтқару мүмкін болмаған.

"Қажетті медициналық көмек пен реанимациялық әрекеттердің толық кешеніне қарамастан, әже мен жасөспірімді құтқару мүмкін болмады. Өлімнің нақты себебі сот-медициналық сараптама нәтижелерін алғаннан кейін белгілі болады", - деп қорытындылады ведомство.

Сонымен қатар, сол күні олардың көршісі, одан бөлек басқа көршісінің ұлы ауруханаға түсті. Оқиғаның себептері зерттелуде. Бірақ жағдай әлі де түсініксіз.

Магнит дүкендерінің баспасөз қызметі зертханалық сараптама дүкенде сатылатын қарбыздарда тамақ қауіпсіздігі нормаларынан ауытқуларды таппағанын айтты. Сонымен қатар, оқиғаның себебі анықталғанға дейін қарбыздың барлық партиясы дүкен сөрелерінен алынып тасталды. 

"Магнит" совхоздағы дүкенде сатылатын қарбыз партиясының қайдан жеткізілгенін тексерді. Қыркүйек айының басында қарбыздың бұл партиясы сертификатталған мемлекеттік зертханада тексеруден өткен. Сондай-ақ, тамақ қауіпсіздігі нормаларында ауытқуларды анықтамаған. 

Полиция бұл істі Ресей Федерациясының Қылмыстық кодексінің 238-бабы бойынша бастады (қауіпсіздік талаптарына сәйкес келмейтін, абайсызда адам өліміне әкелетін қызметтер көрсету). Тергеушілер пәтердегі барлық тағамды тексеретіндерін жеткізді. 

Талқылау
Пікір
Қазір оқып жатыр
Çàãðóçêà...
Қазір оқып жатыр