Атырауда балабақша тәрбиешісі сабақ түсіндіру кезінде баланы ұрып жіберген (видео)
Атырауда инклюзивті балабақша тәрбиешісі баланы ұрып жіберген. Оқытудың педагогикаға қайшы әдістері желіге таралып кетті. Бұл туралы Stan.kz ақпарат агенттігі хабарлайды.
Видеодан жасалған скрин
Желіде тараған видеода тапсырма орындап отырған баланы жан-жағына алаңдағаны үшін оқытушының ұрып жібергенін көруге болады.
Бейнежазба Атыраудағы "Дара-Инклу" жекеменшік балабақшасында түсірілгені анықталды. Алдын ала мәлімет бойынша, бейнероликті балабақша қызметкерлерінің өздері сабақ өту кезін көрсету ретінде түсірген. Олар бейнежазбаны балалардың ата-анасын жолдаған, алайда соққы жасаған тұсын алып тастауды ұмытып кеткен секілді.
Баланың ата-анасы ұлын ұрған қызметкерді жазалауды талап етіп, арыз жазған. Полиция сотқа дейінгі тергеуді бастады.
- "Дипломаттардың әйелдеріне сабақ беремін": Лондон халқына қазақ тілін үйретіп жүрген 12 жасар қыз өзге елдегі қызықтарын айтып берді
- "Тастамаймын деп уәде беремін": Семейде 11 жасар бала мүгедектігі бар анасы мен інісіне бас-көз болып отыр
“Атырау қалалық полиция департамент аталған факті бойынша тергеу басталғанын, басқа мәліметтер тергеу мүддесі үшін жария етілмейтіні хабарлайды”, – делінген полиция ақпаратында.
Қалалық білім бөлімі де қызметтік тексеруді бастағанын айтты.
“Оқиға департамент басшылығының қатаң бақылауында. Тексеру қорытындысы бойынша заңға сәйкес тәртіптік шаралар қолданылады”, – деп қосты олар.
Бұған дейін Оралдағы балабақшада шкаф құлап, төрт бүлдіршін мен тәрбиешіні басып қалғаны хабарланған.