Атырау облысында өрт салдарынан екі бала қаза тауып, анасы жансақтау бөліміне жатқызылды

2024 жылдың 25 сәуіріне қараған түні бірыңғай жедел телефон нөміріне (112) Атырау облысы, Индербор кентіндегі бес қабатты үйдің терезесінен түтін шыққаны туралы ақпарат түскен. Бұл туралы Stan.kz ақпарат агенттігі хабарлайды. 

Фото: Atyrau_tjd

Өрт сөндірушілер екінші қабаттағы пәтердің өртенгенін анықтады.

Төтенше жағдайлар департаментінің қызметкерлері жатын бөлмесінен он және жеті жасар балалардың мәйітін тапты.

• "Екі қызы мен әйелін өртеп жіберген": Дина Төлепберген тұрмыстағы зорлық-зомбылыққа шыдаған әйелдің оқиғасын баяндады

• "4,1 млрд теңге керек болған": "Семей орманы" резерватына уәде етілген өртті алдын ала ескерту жүйесі орнатылмады

Олардың анасы мен 1994 жылы туған азамат ес-түссіз күйде болған. Зардап шеккендер орталық аурухананың жансақтау бөліміне жатқызылды.

Өрт сөндіріліп болған соң оқиғаның себептерін анықтау үшін Атыраудан өрт-техникалық зертхана келді.

Айта кетейік, бұған дейін Алматы облысының Балқаш ауданында қамысты өсімдік өртеніп, орман қорына жалын таралғаны туралы жазған едік.