Ақорданың мәліметінше, мемлекет басшысы заң шығару органдарының спикерлеріне ілтипат білдіре отырып, Ресейдің ҰҚШҰ Парламенттік Ассамблеясына тұрақты мәртебе беру туралы ұсынысын қолдайды. Президент басқа елдердің делегацияларын осы бастаманы қолдауға шақырды.

Қасым-Жомарт Тоқаев парламентаралық диалог мемлекетаралық байланыстарды нығайту ісінде маңызды рөл атқаратынын атап өтті.

“Бүгінгі кездесу халықаралық ахуал тым шиеленіскен жағдайда өтіп отыр. Геосаяси текетірес өршіген кезде өңірлік қауіпсіздікке төнетін қауіп-қатердің ауқымы да айтарлықтай өзгерді. Әлемдегі қақтығыс қауіпті деңгейге жетті. Әсіресе, Таяу Шығыстағы ахуал қатты алаңдатады. Газа секторында күн сайын жүздеген адам қаза тауып, жарақат алып жатыр. Олардың арасында қарапайым азаматтар, әйелдер мен балалар бар. Миллионнан астам бейбіт тұрғын қиын жағдайға тап болды. Барлық негізгі халықаралық ұйымдар Палестинадағы гуманитарлық ахуалды мүшкіл деп атады. Шын мәнінде, апатты жағдай шегіне жетуге таяп қалды”, – деді президент.

"Соғысты аяқтайтын уақыт келді": Байден Израильдің Газа секторындағы әскери операциясы туралы мәлімдеме жасады

Израиль Рафахқа оқ жаудырды, Түркия жаңа конституция қабылдамақ, Трампқа қатысты алқабилер үкім шығарды: Әлемдегі саяси жаңалықтарға апталық шолу

Мемлекет басшысы бұл мәселеде Қазақстан өз ұстанымынан ешқашан айнымайтынын тағы да растады.

Оның айтуынша, ұзақ жылға созылған қақтығыстың жалғыз шешімі – “қос халық үшін екі мемлекет” формуласы негізінде астанасын Шығыс Иерусалим деп белгілеп, Палестина мемлекетін құру. Сонымен қатар президент палестиналықтардың ұйымға мүше болу құқығын мойындау туралы БҰҰ Бас Ассамблеясының биыл 10 мамырда қабылдаған қарарын құптады.

Еске салайық, бұған дейін Испания премьер-министрі Педро Санчес жергілікті телеарналарда үндеу жасап, астанасы Шығыс Иерусалим болатын тәуелсіз Палестина мемлекетінің бар екенін ресми түрде мойындағанын жаздық.

Талқылау