Астанада үлескерлерден 4 млрд теңге жинаған құрылыс компанияларының басшылары ұсталды
Астанада үлескерлерден 4 млрд теңге алып, алайда құрылысқа мүлде басқа қаржы жұмсаған құрылыс салушылар ұсталды. Бұл туралы Stan.kz ақпарат агенттігі хабарлайды.
Астана прокуратурасының мәліметінше, "R-Club" және "R-Club Deluxe" тұрғын үй кешені үлескерлерінің ұжымдық арызы негізінде алаяқтық фактісі бойынша қылмыстық іс берілген.
“Үлескерлердің 4 млрд теңгеден астам ақшалай қаражаты тартылған, алайда іс жүзінде құрылысқа 900 млн.теңге жұмсалғаны анықталды. Құрылыс салушымен 2022 жылдың 4-ші тоқсанында жоспарланған аяқталуға тиіс құрылыс бітпеген”,- делінген хабарламада.
Құрылыс компанияларының басшылары ұсталып, оларға "күзетпен ұстау" түріндегі бұлтартпау шарасы қолданылды.
Аталған дерекке қатысты жедел-тергеу тобы құрылды. Қалалық прокуратураның мәліметінше, қазір қылмыстың қалған қатысушылары мен олардың активтері анықталып жатыр.
2025 жылы болған басты саяси оқиғаларға шолу: Қазақстанда не өзгерді
Қазақстанның ішкі және сыртқы саясатына тоқталдық
Желіде қазақстандықтарға төсбелгілер 350 мың теңгеден сатылып жатқаны туралы ақпарат тарады
“Намыс” және “Батыр Шапағаты” төсбелгілерінің эскиздерін әзірлеген Бақытбек Смағұл төсбелгілерді алаяқтар сатып жүр дейді