Астанада төртінші қабаттан құлағалы тұрған баланы құтқарған жеткіншекке 1 миллион теңге берілді
Астанада төртінші қабаттан құлағалы тұрған баланы құтқарған жасөспірімді қала әкімі Жеңіс Қасымбек марапаттады. Бұл туралы Stan.kz ақпарат агенттігі хабарлайды.
Фото: Астана әкімдігі
Астана әкімі 7-сынып оқушысы Ақан Әкімжанов пен оның ата-анасымен кездесті.
“Ақан мен оның ата-анасымен кездестім. Ол өзінің жылдамдығымен және батылдығымен қайғылы жағдайдың алдын алды. Ақанның ата-анасына ержүрек ұл өсіріп, лайық тәрбие бергені үшін алғысымды білдіремін! Ақан сол сияқты оқуда да, спортта да жетістіктерге жетіп жүр. Мұғалімдері мен сыныптастары ол туралы адал дос, саналы және жауапкершілігі мол оқушы деген пікірде”, – деді Жеңіс Қасымбек.
Жасөспірімге ерлігі үшін планшет пен бір миллион теңге сыйға берілді. Сондай-ақ болашақта колледжге немесе университетке түсу кезінде көмек көрсетіледі деп уәде етті.
Еске салсақ, Астанада 7-сынып оқушысы төртінші қабаттан құлағалы тұрған баланы құтқарып қалған еді.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді