Астанада әлеуметтік желі арқылы танысқан ер адам қыздың кофесіне есірткі қосып берген
Астаналық бойжеткен желідегі таныстықтан кейін спайкингтің құрбаны болғанын мәлімдеді. Бұл туралы Stan.kz ақпарат агенттігі хабарлайды.
Полицияға арыз жазған қыз сырттай таныс адамның кофеге есірткі затын араластырып бергенін айтыпты.
“Тергеу әрекеттерін жүргізу барысында қыздың әлеуметтік желі арқылы жігітпен танысқаны анықталды. Жастар виртуалды таныстықтарын кездесумен жалғаған. Кофе ішуге барған қыздың есінде ары қарай болған оқиға қалмаған”, – делінген хабарламада.
Тәртіп сақшылары қаланың 33 жастағы тұрғынын ұстады. Тергеу жүргізіліп жатыр, барлық қажетті сараптамалар тағайындалды.
“Бейтаныс адамдармен кездескенде достарыңыз немесе туыстарыңыз сіздің кіммен, қайда және қанша уақыт сонда болатыныңызды білетініне көз жеткізіңіз. Өзіңізге және жақындарыңызға сақ болыңыз”, – деп ескертті полиция өкілдері.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"