"Астана су арнасының" бұрынғы директоры пара ретінде үш бөлмелі пәтер алған
«Астана су арнасының» бұрынғы бас директоры Уәлихан Досаев 7 жылға бас бостандығынан айырылды. Ол аса ірі көлемде пара алғаны үшін сотталды, деп хабарлайды Stan.kz ақпарат агенттігі Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.
Сурет: static.wixstatic.com
Белгілі болғандай, Уәлихан Досаев «Астана су арнасының» бас директоры қызметін атқарған уақытта қоластындағы қызметкері арқылы «Тұрғын үй құрылыс технополисі» ЖШС басшылығынан жылжымайтын мүлікті табыстау туралы қосымша келісімді бекіту үшін «Жас отбасы 2» тұрғын үй кешенінен 3 бөлмелі пәтер және 60 мың доллар түрінде пара алған.
14 тамызда Нұр-Сұлтан қаласының қылмыстық істер бойынша мамандандырылған ауданаралық сотының үкімімен Досаев 7 жылға бас бостандығынан айырылды. Ол қауіпсіздігі төмен түзету мекемесінде жазасын өтейтін болады.
Сонымен қатар сотталушы мемлекеттік қызметті атқару құқығынан өмір бойына айырылды.
2026 жылдан бастап доллар бағасы мен инфляция қалай өзгереді – Экономистер болжам жасады
Салық пен айыппұл өсіп, қымбатшылық басталады: 2026 жылдан бастап Қазақстанда не өзгереді?
70 жастағы зейнеткердің зейнетақысы 2025 жылы 171 588 теңге болса, 2026 жылдан бастап ол 192 816 теңгеге дейін көтеріледі