Алматы маңында тағы да жер сілкінісі тіркелді
Төтенше жағдай министрлігі "Сейсмологиялык зерттеу институты" ЖШС сейсмикалық станциялар желісімен 28 қыркүйекте сағат 13:53-те жер сілкінісін тіркеді. Бұл туралы Stan.kz ақпарат агенттігі хабарлайды.
Жер сілкінісінің ошағы Қазақстан аумағында Алматы қаласынан оңтүстік-шығысқа қарай 254 км жерде орналасқан.
Жерасты дүмпуінің қарқыны Нарынкөл ауылыда 2-3 балл, Кеген ауылында 2 баллды көрсетті.
“ТЖМ "Қазселденқорғау" ММ мамандары өзен арналарын, гидротехникалық құрылыстарды, көшкін қауіпті және сел қауіпті учаскелерді зерттеу бойынша мониторинг жүргізді. Сондай-ақ тіршілікті қамтамасыз ету нысандарын аралап, тексеру жұмыстарын жүргізді”, – деп мәлімдеді ведомство.
Тексеру нәтижелері бойынша зақымдану анықталмады, қазір аталған объектілер штаттық режимде жұмыс істейді.
Министрліктің мәліметінше, қираулар мен зардап шеккендер туралы мәлімет түспеген және жағдай тұрақты.
Бұған дейін 28 қыркүйек күні таңертең Алматы тұрғындары жер сілкінісін сезіп, бұл туралы WhatsApp чаттарда жарыса жазған еді. Қала тұрғындарының айтуынша, жер асты дүмпуі шамамен сағат 06:32-де болған.
"Алты қыздың ішіндегі жалғыз бала": Жамбыл облысында 14 жастағы оқушы мұғаліммен даудан кейін өлі табылды
Марқұмның туыстары 7 ай бойы үндемедік, дейді
"Әскерден келген соң үйленеміз деп еді": Каспийде қаза тапқан сарбаздардың жақындары жанайқайын жеткізді
Жанардың айтуынша, отбасы Олжасты қуанышпен күтіп отырған