Армения ҰҚШҰ-ға мүшелігін уақытша тоқтатты
Армения Премьер-министрі Никол Пашинян Ереванның ҰҚШҰ-ға қатысуын уақытша тоқтатқанын мәлімдеді. Бұл туралы Stan.kz ақпарат агенттігі France 24 телеарнасына сілтеме жасап, хабарлайды.
Фото: newsarmenia.am
Сұхбатта Никол Пашинян Арменияға қатысты ұжымдық қауіпсіздік туралы шарт орындалмағанын атап өтті.
"Біздің ойымызша, Арменияға қатысты ұжымдық қауіпсіздік туралы шарт, әсіресе, 2021-2022 жылдары орындалмады және мұны біз байқамай қала алмадық. Біз осы шартқа қатысуымызды уақытша тоқтаттық. Әрі қарай не болатынын көрейік", – деді Пашинян сұхбатында.
Сонымен қатар Пашинян қазіргі уақытта Армения мен Әзірбайжан арасындағы бейбітшілік "мүмкін емес" деп мәлімдеді.
Айта кетейік, биыл қаңтар айының соңында Армения Әзірбайжанға шабуыл жасамау туралы келісімге қол қоюды ұсынды.
Бұған дейін Әзірбайжан мен Армения тұтқындармен алмасуға және бейбіт келісімге келгендерін мәлімдегенін жазған едік.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі