"Арызбен келіспеймін": Ғылым министрі Саясат Нұрбек грантсыз қалғаны үшін өзін сотқа берген түлектер жөнінде айтты
Ғылым және жоғарғы білім министрі Саясат Нұрбек грантсыз қалғаны үшін министрдің үстінен сотқа арызданған түлектер жөнінде пікір білдірді. Бұл туралы Stan.kz ақпарат агенттігі хабарлайды.
Фото: primeminister.kz
Журналистер Саясат Нұрбектен сенат кулуарында түлектердің арызына қатысты өткелі жатқан сот отырысы жайында сұрады.
"Сот отырысы келесі аптаға қалдырылды, офлайн режимде өтеді. Сот шешімі келесі апта талқыланады. Топ болғанда бір адам ғана арызданған. Қалған адамдардың сұрақтары шешіліп жатыр. Бұл шағымдар сот деңгейінде толыққанды қаралып, кейбірі (арыздар – ред.) қайтарылды", – деді ол.
Саясат Нұрбек өз сөзінде түлектердің арызымен келіспейтінін айтты.
"Арызбен келіспеймін. 20 адам сотқа берді. Әр жағдай егжей-тегжейлі қарастырылды. 15 адам грантқа ие болған. Бірақ соттың өзі олардың не үшін арызданғанын түсінбеді", – деп қосты ғылым министрі.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"