«Қалада қорқынышты қылмыс болды - 7 жасар қызға зорлық-зомбылық жасалды. Қылмыстық іс қозғалды. Зорлық жасаушы ұсталып, уақытша ұстау абақтысына қамалды. Құқық қорғау органдарының қызметкерлері оны анықтап, басқа да тергеу амалдарын жүргізуде», - деп хабарлады қалалық әкімшілік.

Оқиға шағын қаланың тұрғындарының наразылығын тудырды.

Байқоңыр әкімшілігінің басшысы Константин Бусыгин қала тұрғындарына ұстамдылықты сақтап, құқық қорғау органдарына осы істі тергеуге кедергі болмауын өтінді.

«Мен қала тұрғындарынан, Төретам және Ақай ауылдарынан тыныштық сақтап, құқық қорғау органдарына кедергі болмауды өтінемін. Эмоционалды әрекеттер тергеуге кедергі келтіруі мүмкін; біз оларға психологиялық қысым жасамауымыз керек»- деді ол.

«Мен зорлық-зомбылыққа қарсы ашулану мен наразылықты түсініп отырмын. Оған қатысты ешқандай жеңілдік болмайды. Біздің тергеушілердің жоғары білікті және осы қылмысты тез арада тергей алатындығына және қылмыстық істі сотқа жіберетініне күмәнім жоқ. Құқық бұзушы лайықты жазасын алады », - деп толықтырды Бусыгин.

Байқоңырдағы дереккөз Sputnik Қазақстанға зорлаған күдікті мен қыздың отбасы бір подъезде тұратынын айтты.

«Сол күні осы отбасының үлкен қызы көшеге шығып, кіші сіңлісін күтпестен пәтерге кіріп кетеді. Сілісі қайтып келмеген соң қайта шығады. Қызды іздей бастайды», - дейді ақпарат көзі.

Әзірге педофилдің қалай ұсталғандығы туралы ресми ақпарат жоқ, дегенмен Байқоңырдағы дереккөз полицияда бұл жерде қиындықтар болғанын айтады.

«Үш сағат бойы олар қызды таба алмады, өйткені ол анасын кепілге алды», - деді ақпарат көзі.

Талқылау