"Алтын алғандай билеп жүр": Демеу Жадыраевтың биі желіні шулатты (видео)
Желіде Грек-рим күресінен 77 келі салмақ дәрежесіндегі Париж олимпиадасының күміс жүлдегері Демеу Жадраевтың билеген видеосы тарады. Бұл туралы Stan.kz ақпарат агенттігі хабарлайды.
Фото: Видеодан скриншот
Спортшының жеке бапкері Боранбек Қоңыратов та шәкіртімен бірге билеп жүр.
“Біздің батырға не істесе де жарасады. Бұл Демеудің жаттықтырушысының ойлап тапқаны. Жай ғана би деп ойлап қалмаңыз, спортшының дене қыздыру үшін арналған жаттығуы”, – деп жазды Dauletten парақшасының админі.
-
Олимпиада күміс жүлдегері Демеу Жадыраевтың анасына жаңа үйдің кілті табыс етілді
-
Олимпиаданың күміс жүлдегері Демеу Жадыраев Қазақстанға оралды (видео)
Желі қолданушылары түрлі пікір білдіріп, спортшының керемет билейтінін жарыса жазып жатыр.
“Олимпиададан орын алдың, енді қалай билесең де жарасады”, “Алтын алғандай билеп жүр”, “Күресіп жүре бересің-ау”, “Сметовтің биі шынайы шыққан сияқты”, “Бұл грек-рим күресшілерінің "Разминка" деген биі. Өз сұраныстарымен шақырдық, бапкерімен билеттік. Еш әбестігі жоқ, батырымызға жарасады”, – деп жазып жатыр жанкүйер қауым.
Еске салайық, Париж Олимпиадасының күміс жүлдегері Демеу Жадраев пен қос бапкеріне жерлестері көлік мінгізді.