Алматылықтар аты аңызға айналған қазақ футболшысымен қоштасты
Алматылықтар Орталық стадионда аты аңызға айналған қазақ футболшысы Тимур Сегізбаевпен қоштасты.
Бұл туралы «Қайрат» ФК баспасөз қызметі хабарлады.
Қаралы жиында Алматы қаласы дене шынықтыру және спорт басқармасының басшысы Әбіл Доңбаев марқұм Тимур Сегізбаевтың отбасы мен ағайын-туыстарына көңіл айтты.
Қазақстан футбол федерациясының президенті Сейілда Байшақов пен Кәсіби футбол лигасының президенті Азамат Айтхожин қаралы жиын алдында марқұмның өткен өмірі туралы баяндап, жылы лебіздерін білдірді.
«Марқұм Тимур Сезігбаевты жиылған жұрт ыстық ықылас, қимас сезіммен шығарып салды. Оның Қазақстан футболына қосқан өлшеусіз еңбегі еске алынып, алғыс білдірді.
Адамның бұл өмірдегі бағасын достарының құрметіне қарап білуге болады. Марқұмды шығарып салуға жиналған оның достарының қарасы көп болды», – дейді «Қайрат» ФК-баспасөз қызметіндегілер.
Оқи отырыңыз:
ОҚО-да «елес» ауылдың әкімі тұрғындарға дөрекілік танытқаны үшін қызметінен қуылды