Алматыдағы субұрқақта болған қайғылы жағдай: Зардап шеккендердің халі белгілі болды
Алматы қаласының қоғамдық денсаулық басқармасы субұрқақта электр тоғынан зардап шеккендердің жағдайы туралы айтып берді, деп хабарлайды Stan.kz ақпарат агенттігі.
28 жастағы әйелдің жағдайы әлі де ауыр екені белгілі болды.
"Науқастың жағдайы ауыр, жан сақтау бөлімінде жатыр. Жасанды тыныс алу аппаратынан алынды. Қазір өзі дем алып жатыр", – деді ведомство өкілі.
Оқиға салдарынан зардап шеккен 8 және 10 жастағы қыздар аурухананың бейінді бөлімінде жатыр.
"Екеуінің де жағдайы тұрақты, шағым жоқ, емделіп жатыр", – деп қосты ҚДСБ өкілі.
Еске салсақ, бұған дейін Алматыда субұрқақта үш адамның тоққа түскені айтылған еді. Куәгерлердің айтуынша, көмекке 19 жастағы студент Абылай Балапанов барған. 40-50 жастағы ер адам да көмектесті.
Бұл жағдай туралы қала әкімі Бақытжан Сағынтаев пікір білдірді.
Ал субұрқаққа жауапты ұйым зардап шеккендердің өздерін кінәлады.
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"
"Туған күнімді үкімет жасап береді": Наурызды ерекше атап өтетін қазақстандықтар қызық оқиғаларын бөлісті
Наурыз: “Есімім Наурыз, 22 наурыз туған күнім”