"Ажырасып кетті ме?": Аша Матайдың күйеуі Арман Қоңырдың шетелдегі суреті желіде күдік тудырды
Әнші Арман Қоңырдың әлеуметтік желіде жариялаған кейінгі суреттері көпшіліктің назарын аударды. Желі қолданушылары оның модель Айдана Рахымбаевамен бір жерде суретке түскенін байқап, екеуінің арақатынасына қатысты түрлі болжам айта бастады. Бұл туралы Stan.kz ақпарат агенттігі хабарлайды.
Желіде тараған жазбада Арман Қоңыр мен Айдана Рахымбаеваның бір локациядан фото жариялағаны салыстырылып көрсетілген. Осыдан кейін оқырмандар олардың бір жерде бірге болған-болмағанын қызу талқылап жатыр.
Пікір білдіргендердің бір бөлігі мұны жай ғана сәйкестік деп қабылдаса, енді бірі олардың арасында жақын қарым-қатынас болуы мүмкін деп топшылаған.
“Арман шетелде басқа қызбен жүр ғой. Аша екеуі ажырасып кеткен бе?”, “Ашаның өзін дәлелдегісі келіп, Құрылтайға бару себебі осы екен ғой”, – деген пікірлер де жазылған.
Айта кетейік, Аша Матай мен Арман Қоңырдың отбасылық қарым-қатынасына қатысты әңгімелер бұған дейін де бірнеше рет тараған. Желі қолданушылары жұптың кейінгі жылдары бірге түскен суреттерін сирек жариялайтынын, ал әлеуметтік желідегі парақшаларында көбіне балаларына қатысты жазбалар бөлісетінін байқаған.
Дегенмен Аша Матай да, Арман Қоңыр да жеке өміріне қатысты айтылып жүрген әңгімелерге ресми пікір білдірген жоқ.
"Тексермесе, төлемей отыра береді": Алматы тұрғындары жолақысын төлемейтін жолаушылар көбейгеніне шағымданды
