Субұрқақтағы жазатайым оқиға: Алматы әкімі мәлімдеме жасады
Алматы әкімі Бақытжан Сағынтаев қаладағы субұрқақта екі қыз бен әйелді электр тоғы соққан жазатайым оқиғаға қатысты түсініктеме берді, деп хабарлайды Stan.kz ақпарат агенттігі.
“Цирктегі субұрқақта қыздар және біреуінің анасымен орын алған қайғылы оқиға полицияның тергеуінде. Мұндай жағдай болмау керек. Зардап шеккендердің тезірек сауығып кетуіне тілектеспін”, – деп жазды әкім.
Алматы полиция департаменті оқиғаның Қылмыстық кодекстің 306-бабының 2-бөлігі "Қауіпсіздік талаптарына сай келмейтін тауарларды шығару немесе сату, жұмыстарды орындау не қызметтерді көрсету" бойынша тергеліп жатқанын хабарлады.
Баптың санкциясы – ірі айыппұл, бес жылға дейінгі мерзімге бас бостандығын шектеу немесе айыру.
Еске салсақ, бұған дейін Алматыда субұрқақта үш адамның тоққа түскені айтылған еді. Куәгерлердің айтуынша, көмекке 19 жастағы студент Абылай Балапанов барған. 40-50 жастағы ер адам да көмектесті.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған