Алматыдағы қоймалардың бірінде жұмысшыны лифт басып қалды

Алматыдағы қоймалардың бірінде лифт құлап, жұмысшы қаза тапты. Бұл туралы Stan.kz ақпарат агенттігі хабарлайды. 

Фото: pixabay.com

Полиция департаментінің мәліметінше, қайғылы оқиға 2 желтоқсан күні Түрксіб ауданындағы "Norma Logistics" ЖШС тиесілі қойма кешенінің аумағында болған. 

"Еңбек қауіпсіздігі ережелерін бұзу фактісі бойынша қылмыстық іс қозғалды. Кісі өлімінің себебін анықтау үшін сот-медициналық сараптама тағайындалды", – делінген полиция хабарламасында. 

Ақтөбе облысындағы "Қазхром" кен байыту комбинатында апат болып, екі жұмысшы қаза тапты (видео)

Полиция оқиғаның мән-жайын анықтауға бағытталған жедел-іздестіру шараларын жүргізіп жатқанын атап өтті. 

Еске салсақ, бұған дейін Қарағандыдағы тұрғын үй кешенінде лифт үзіліп, бір адам көз жұмғаны туралы жазған едік.