Алматыдағы аудан әкімдері 100-ден астам көпбалалы отбасымен кездесті

Алматыда 2024 жылдың мамыр айында аудан әкімдері көпбалалы аналармен 8 кездесу өткізді. Бұл туралы Stan.kz ақпарат агенттігі хабарлайды.

Фото: gov.kz

Кездесуге барлығы 104 көпбалалы отбасы келді. Кездесу барысында 118 мәселе көтерілді. Оның 81-іне түсініктеме берілді, кездесуден кейін 20 мәселе пысықталып, 17-сі қолға алынды.

Көпбалалы аналар көтерген негізгі мәселелер:

• тұрғын үй алу (кезекке қою) - 25 (21%);
• білім беру (балаларды мектепке және балабақшаға орналастыру, мектеп формасы) - 16 (14%);
• денсаулық сақтау - 12 (10%);
• әлеуметтік жәрдемақылар (АӘК, азық–түлік жиынтықтары) - 7 (6%);
• ТКШ және абаттандыру (газ қосу, сумен жабдықтау және су бұру) - 24 (20%);
• жұмысқа орналастыру және бизнеске арналған гранттар - 1 (1%);
• басқа мәселелер - 33 (28%).

Естеріңізге сала кетейік, аудан тұрғындарымен кездесу барысында өтініштің көптігіне байланысты Алматы қаласының әкімі Ерболат Досаев аудан әкімдерінің көпбалалы аналармен ай сайынғы кездесуін тапсырған болатын.