Бұл туралы қаланың бас санитарлық дәрігері Жандарбек Бекшин мәлімдеді. Айтуынша, бұған дейін қатаң шектеулер "қызыл" аймақта болған кезде қабылданған.

"Алайда, 30 қаңтарда қала "сары" аймаққа ауысқаны белгілі болды. Алматы "сары" аймаққа көшкен кезде жеңілдетулер болады. Бұл барлық тармақтарға, соның ішінде коронавируспен ауыратын науқастарды ауруханаға жатқызуға қатысты. Симтомсыз науқастар оқшаулау жағдайлары болған кезде үйде қалады. Ал ауырлығы орташа науқастар қолданыстағы қаулы бойынша ауруханаға жатқызылады", - деді Бекшин.

Бас санитарлық дәрігер Алматыда "сары" аймақта қолданылатын жаңа шектеулер күшіне енетінін атап өтті. Ол үшін қалалық нысандардың қызметін реттейтін жаңа қаулы қабылдау қажет. Құжатқа жақын арада қол қою жоспарлануда.

Алматыдағы кинотеатрлар не үшін жабылады? Бекшин түсіндірді

Алматыда блок-бекеттер орнатыла ма? Жандарбек Бекшин жауап берді

Бұған дейін Жандарбек Бекшин симптомсыз коронавируспен ауыратын науқастардың барлығын ауруханаға жатқызу қауіпті деп айтқан дәрігерлердің сынына жауап берген.

Ол соңғы қаулы қабылданғанға дейін санитарлық дәрігерлер мен дәрігерлер ауруханаға жатқызуды жүргізгенін атап өтті.

Еске салсақ, 28 қаңтарда Алматының бас санитарлық дәрігері Жандарбек Бекшин 1 ақпаннан бастап қалада коронавируспен ауырғандарды кез-келген түрде ауруханаға жатқызу туралы шешім қабылдады. Сонымен қатар, қалада Алматының "қызыл" аймаққа көшуіне байланысты карантиндік шаралар күшейтілетінін айтты. Бірқатар объектілердің қызметіне шектеулер енгізілді. Демалыс күндері сауда орталықтары жұмыс істемейтіні айтылған.

Талқылау