Алматыда хостелдегі өрттің салдарынан 13 адам мерт болды
Алматыда өрт болып, салдарынан 13 адам қаза тапты. Бұл туралы Stan.kz ақпарат агенттігі хабарлайды.
30 қарашада сағат 05:33-те Алматыдағы Әди Шәріпов көшесінде өрт шыққаны туралы хабар түсті.
Өрт сөндіру бөлімі оқиға орнына 7 минутта жетті. Үш қабатты тұрғын үйдің 1 қабаты мен жертөлесінде өрт шыққан. Жертөлені де хостел есебінде қолданыпты. Өрттің жалпы ауданы болжам бойынша 30 шаршы метр.
Қабылданған шаралардың арқасында өрт 06:22-де сөндірілді. Барлау және өртті сөндіру барысында 13 адам мерт болғаны белгілі болды, олардың жеке басы анықталуда. Ал екі адам ауруханаға жеткізілді. Болжам бойынша, олар көмірқышқыл газынан уланып қалған.
Хостелде 72 адам болған, 59 адам эвакуацияланған.
Өртті сөндіруге төтенше жағдайлар департаментінің 46 адамы мен 13 техникасы жұмылдырылды.
Өрт пен қазаның себебі анықталуда.
Талқылау
"Аурухана мен мәдениет үйі жоқ": Сингапурға айналуы тиіс жаңа қала Алатаудың бүгінгі жай-күйі қалай (Фоторепортаж)
Жетіген тұрғындары қала мәртебесіне үмітпен қарағанымен, шешімін күткен түйткілдер әлі де аз емес
"Салқын суға салсаң, бояуы шығады": Отандық шоу-бизнес жұлдыздарының шайы халықтың көңілінен шықпай қалды
Экономист: "Шай плантациясы жоқ елде толыққанды өндіріс болмайды"