Алматыда ер адам біліктілікке тест тапсыру кезінде көз жұмды (видео)

Алматыда ер адам біліктілігін анықтау тестілеуі кезінде көз жұмды. Қайғылы жағдайды қалалық полиция департаменті растады, деп хабарлайды Stan.kz ақпарат агенттігі. 

“Өзін нашар сезінген кезде ғимаратта дәрігер де болмады", – деді оқиға куәгері Zakon.kz-ке берген пікірінде.

Сондай-ақ оқиға орнынан видео Instagram парақшаларының бірінде жарияланды.

Видео авторының айтуынша, логистика және көлік академиясында өткен ұлттық біліктілік тестілеуінде қайғылы жағдай орын алған.

“Алғашқы медициналық көмек көрсетілмеді. Ол жедел жәрдем келгенге дейін қайтыс болды", – дейді видеодағы әйел.

Алматы Полиция департаментіне түсініктеме алу үшін жүгінді, онда бұл факт расталды.

“1973 жылы туған ер адамның қайтыс болу фактісі Алмалы аудандық полиция басқармасында тіркелген. Сот-медициналық сараптама тағайындалды”, – деді Алматы ПД баспасөз қызметі.