Оның айтуынша, ер адам балабақшада бағбан және аула сыпырушы болып жұмыс істеген. Балалардың айтуынша, ер адам оларды бір жерге апарып, олардың әурет жерлерін ұстаған. Әрі мұның бәрін жасыруды өтінген. Бірақ бүлдіршіндер ата-аналарына болған оқиғаның егжей-тегжейін айтып берді. Әзірге бес жасқа дейінгі алты баланың құрбан болғаны белгілі.

"Ата-аналар прокуратураға және Алматы полиция департаментіне хат жазды. ПД тергеушілерінің бірі Данияр Алтынбекпен сөйлестім. Ол маған істі Бостандық ауданына тергеу бойынша жібергендерін айтты, өйткені бұл балабақша сол жерде орналасқан. ҚК-нің 124-бабы “Балаларды азғындық жолға түсіру” бойынша қылмыс белгілері бар екеніне күмәнім жоқ, жәбірленушілер саны алты адамнан асады", – деді заңгер.

Сонымен қатар балалардың ата-аналары балабақша басшылығына жүгінді, олар жағдайды анықтауға уәде бергенімен, соңында ешқандай әрекет жасамады.

Алматы полиция департаменті қылмыстық іс ҚК-нің 124-бабы, 3-бөлігі бойынша тіркегенін хабарлады. Оны Бостандық аудандық полиция басқармасы тергеп жатыр. Күдікті ұсталды.

"Болған оқиғаның объективті мән-жайларын анықтауға бағытталған тергеу әрекеттерінің кешені жүргізілуде, оның нәтижелері бойынша қылмыстық іс бойынша процестік шешім қабылданады. Сотқа дейінгі тергеу барысы ПД басшылығының бақылауында", – деп хабарлады құқық қорғау органдары.

Талқылау