Алматы тұрғындарына қоғамдық көлікте және ғимараттарда маска тағу ұсынылды
Елде COVID-19 ауруының өсуін ескере отырып, қосымша шаралар қабылдау туралы шешім қабылданды. Бұл туралы Алматы қаласы әкімдігінің баспасөз қызметі мәлімдеді, деп хабарлайды Stan.kz ақпарат агенттігі.
Алматы коронавирус инфекциясының таралуы бойынша "сары" аймаққа өткендіктен, санитарлық шаралар күшейтіледі:
- науқаспен жақын байланыста болған адамдарды қашықтан жұмыс істеу түріне ауыстыру;
- вакциналауға абсолюттік қарсы көрсетілімдері бар қызметкерлерді және жүкті әйелдерді қашықтан жұмыс істеуге ауыстыру;
- жабық мекемелерде, қоғамдық көлікте бетперде кию;
- 10-нан астам адамның қатысуымен өтетін кеңестерді онлайн-форматқа көшіру ұсынылады.
Әзірге бетпердені тағу ұсыныс қана, яғни қала тұрғындарына міндеттелген жоқ.
Айта кетейік, бұған дейін Алматы қаласының коронавирусқа байланысты эпидемиологиялық жағдай бойынша "сары" аймаққа өткенін хабарлаған едік.
"Кәрісің, бізге жастар керек дейді": Қазақстандықтар 35-40 жастан кейін жұмысқа тұра алмайтындарын айтып, шағымданды
Тұрғын: "Ипотекамыз, екі кішкентай баламыз бар, болашағымызға алаңдаймын”
"Су тапшылығы болып, қала демала алмай қалады": Экологтар Көкжайлауда 650 миллиардқа салынатын тау кластері құрылысын тоқтатуды талап етті
Сөздерінше, құрылыс мұзды аймақтарға тікелей жақын орналасқан 3880 метр биікке салынады