Сәбина Әбдуәлиеваның денесі таудан табылды

Алматы облысында бір апта бұрын жоғалып кеткен Сәбина Әбдуәлиеваның денесі таудан табылды. Оны өлтірді деген күдікпен екі азамат ұсталды, деп хабарлайды Stan.kz ақпарат агенттігі КТК жаңалықтарына сілтеме жасап. 

Ең басты күдікті – Қаскелеңдегі тату салонының 22 жасар қызметкері. Қазір екеуі де қамауға алынып, сотқа дейінгі тергеу жұмыстары жүргізілуде.

25 жастағы Сәбина Әбдуәлиева 24 қыркүйек күні таңертеңгі уақытта көлігімен үйден шыққаннан қайтып оралмаған.

Уайымдаған туыстары тез арада полицияға шағым түсіріпті. Ең алдымен құзырлы орган өкілдері Әйтей ауылы маңынан келіншектің өртенген көлігін тапқан. Сөйтіп, жедел- іздестіру барысында қолға түсірген екі күдікті қыздың мәйітін көмген жерін көрсеткен. 

Қазір туыстары болған жайға ештеңе айтқылары келмей отыр. Сәбинаның артында екі баласы қалды. Десе де, ұсталғандардың мұндай қылмысқа баруына не себеп болғаны әзірге жұмбақ. 

Күдікті жертөредегі тату салонында істеген. Полицейлердің айтуынша, Сәбинаны дәл осы жерде өлтірген болса керек. Бүгінде есігі жабулы тұр. Мұндағылар салонның бір апта бұрын ғана жұмысын тоқтатқанын айтады.

Қазір екі күдікті де қамауда.Болған оқиғаға қатысты сот сараптамасы жасалып, тергеу амалдары жүргізілуде. Оқиғаның толық мән-жайы тергеу барысында мәлім болады.