Алматы облысында ұлын жалған жұмысқа орналастырған мектеп директорына 9 миллион теңге айыппұл салынды
Алматы облысында мектеп директоры ұлын лаборант етіп жалған түрде жұмысқа орналастырған. Бұл туралы Stan.kz ақпарат агенттігі хабарлайды.
Өңірлік соттың баспасөз қызметінің мәліметінше, іс материалдарына сәйкес, 2022 жылдың тамыз айында Балқаш ауданы мектептерінің бірінің директоры ұлын мекемеге лаборант лауазымына жалған жұмысқа орналастырған. Мемлекетке келтірілген залал 902 мың теңгеге бағаланған.
“Сотталушы өз кінәсін толық мойындап, істеген ісіне өкінді. Сот оған ұрланған қаражаттың 10 еселенген мөлшерінде тоғыз миллион теңге айыппұл тағайындады. Енді мектептің бұрынғы басшысы оны үкім заңды күшіне енген күннен бастап үш айдан кешіктірмей төлеуге міндетті. Әйтпесе жаза бас бостандығынан айыруға ауыстырылады”, – делінген хабарламада.
Үкім әлі заңды күшіне енген жоқ.
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"
"Ауырып қалса, біз жауаптымыз": Қазақстандық мұғалімдер оқушылардың ауыз бекітуіне қарсы шықты
Ал педиатр оқушының ағзасы дамып жатқан ағза, оған су, ақуыз, көмірсу мен май жеткілікті болуы керек дейді