Алматы облысында ұлы қарт анасын ұрып өлтірген
Сәуірдің 25-інен 26-сына қараған түні Алматы облысы Бұлақты ауылының 62 жастағы тұрғыны соққы алып, Алакөл аудандық ауруханасына түсіп, келесі күні қайтыс болған. Өз анасын өлтірді деген күдікпен 40 жастағы ер адам ұсталды, деп хабарлайды Stan.kz ақпарат агенттігі.
Белгілі болғандай, қарт әйел қатты соққыға жығылған. Полиция қызметкерлері бұл жағдайға оның ұлының қатысы бар екенін анықтап қамауға алды.
"Қылмыс отбасылық жанжал кезінде орын алған. Алкогольге мас болған күдікті өгей әкесі мен өз анасын ұрып-соққан. Қарт әйелдің алған жарақаты өте ауыр болып шықты. Күдікті азамат уақытша ұстау изоляторына қамалды", – деп хабарлады Алматы облысының полиция департаменті.
Аталған факті бойынша Қылмыстық кодекстің 106-бабының үшінші бөлігі абайсызда жәбірленушінің өліміне әкеп соққан денсаулыққа қасақана ауыр зиян келтіру бойынша тергеу амалдары жүргізілуде. Анықталғандай, ер адам бұрын жеңіл қылмыстары үшін бірнеше рет жауапкершілікке тартылған.
Қазақстандықтарға биыл жазда қайда бару тиімді: Грузия арзандап, Мальдив аралдары қымбаттаған
Ольга Исаева демалыс маусымы бағаға қалай әсер ететінін де атап өтті
Екінші деңгейлі банктер тұрғын үй қарызын бере алады, референдум өтеді: Қазақстанда 1 наурыздан бастап не өзгереді
Наурыз айында қандай өзгерістер болатынын зерттеп көрдік