Алматы Нұр-Сұлтан бағытындағы ұшаққа найзағай түсіп, рейс кешіктірілді
Air Astana әуе компаниясының баспасөз қызметі Алматы-Нұр-Сұлтан бағытындағы ұшаққа найзағай түсуі салдарынан рейстің жеті сағаттан астам уақытқа кешіктірілгенін жеткізді, деп хабарлайды Stan.kz ақпарат агенттігі.
"Алматы-Нұр-Сұлтан бағытындағы KS 855 рейсі 8 тамыз күні сағат 19:45-те ұшуы керек еді. Алайда алдыңғы рейс кезінде ұшаққа найзағай түуіне байланысты әуе кемесі бұрын Алматы-Нұр-Сұлтан-Алматы бағыты бойынша FlyArystan KS 7058 рейсін орындаған компаниялар тобының резервтік ұшағына ауыстырылды", - делінген хабарламада.
Белгілі болғандай рейс негізінде 3 сағат 45 минутқа ғана кешігуі керек болған. Алайда жолаушылар одан ұзақ уақыт күтуге мәжбүр болған.
“Алматыдағы шаңды дауылға, Нұр-Сұлтан әуежайының жабылуына және ұшақтың техникалық ақауына байланысты кешігу уақыты артты. КС 855 рейсі жеті сағат 15 минутқа кешікті. Жолаушылар сусындар мен тамақпен қамтамасыз етілді. Кейбірі басқа рейстерге ауыстырылды. Бизнес-класс жолаушыларына билеттерге 100 долларға ваучер беріледі", - делінген хабарламада.
Еске салсақ, бұған дейін де Air Astana әуе компаниясының рейстерінің кешігуіне байланысты жолаушылардан наразылық шағымдары түсіп, айыппұл салынған болатын.