125 миллион теңге зиян келтірген: Алматы қалалық мәдениет басқармасы басшысының орынбасарына қатысты тергеу аяқталды
Алматы қалалық мәдениет басқармасы басшысының орынбасарына қатысты тергеу аяқталды. Бұл туралы Stan.kz ақпарат агенттігі хабарлайды.
Фото: Алматы қалалық мәдениет басқармасы
Бұл туралы сыбайлас жемқорлыққа қарсы қызмет агенттігі мәлімдеді.
“Ол қызметтік өкілеттіктерін асыра пайдалану, бюджет қаражатын жымқырып және кәсіпкерлік қызметке заңсыз қатысқаны үшін күдіктеліп жатыр. Оның қылмыстық әрекеттерінің нәтижесінде мемлекетке 125 млн теңгеден астам материалдық залал келтірілді”, – делінген хабарламада.
Антикор өзінің бұрынғы қызметкеріне халықаралық іздеу жариялады
Іс сотқа жіберілген.
Ашық дереккөздерде күдіктінің 2017 жылы Алматы қалалық мәдениет басқармасы басшысының орынбасары болып тағайындалған Наила Мулюкова екені айтылған.
Еске салсақ, бұған дейін Қызылорда облысында экс-шенеунік кәсіпкерлерді ұлының оқуының ақшасын төлеуге мәжбүрлегені туралы жазған едік.
Талқылау