"Сот үкімімен Т.-ны ҚК-нің 362-бабының 4-бөлігімен (қызметтік немесе лауазымдық өкілеттіктерді теріс пайдалану) кінәлі деп танып, оған мемлекеттік қызметте лауазымдарды атқару және жергілікті өзін-өзі басқару органдарында қызмет ету құқығынан бес жыл мерзімге айырып, алты жылға бас бостандығынан айыру жазасы тағайындалды", - делінген сот шешімінде.

Анықталғандай, 2022 жылғы 5 қаңтарға қараған түні Алматыда мемлекеттік органдардың ғимараттары басып алынған, құқық қорғау органдарының ғимараттары мен басқа да нысандарды басып алу әрекеттері жасалған, соған байланысты полиция департаментінің басшысы (ДП) Алматы қаласы бойынша арнайы жедел жоспар енгізген.

"2022 жылдың 5 қаңтарында сағат 16.09-да Алматы халықаралық әуежайы желілік полиция басқармасының бастығы қорғанысқа көшу туралы бұйрық алған. Жаппай тәртіпсіздіктерге қатысушылардың Алматы қаласының әуежайына қарай ағылғаны және қорғану туралы бұйрық алғаны туралы ақпаратқа қарамастан, Т. Алматы қаласының халықаралық әуежайындағы нысанды қорғауды және қоғамдық қауіпсіздікті қамтамасыз етуді ұйымдастырмаған", - деп түсіндірді сотта.

Мәліметке сүйенсек, сағат 18.00-ден 19.00-ге дейінгі аралықта "бүлікке қатысушылар әуежай ғимаратына шабуыл жасау үшін әуежайдың кіреберісі алдына жиналған".

Әскери бөлімдер әуежай қоршауынан шығып, белгісіз бағытқа кетіп бара жатты - Ұшу алаңының қызметкері сотта жауап берді

Кәрім Мәсімов 18 жылға бас бостандығынан айырылды

"Әскердің әрекеті заңды": Қаңтарда оқ тиіп, көлігінде өртеніп кеткен ерлі-зайыптының ісі бойынша тергеу тоқтады

"Т., жарияланған арнайы жоспарға қайшы келіп, желілік полиция құрамын азаматтық киімге ауыстырып, бұрын алынған арнайы техниканы ПО ғимаратында қалдырып, әкімшілік ғимараттан шығып, әуежайға қарай жылжу туралы бұйрық беріп, кабинетінен шығып кеткен. Нәтижесінде желілік полиция басқармасы қорғаусыз қалып, бүлікшілер ғимаратты еш кедергісіз басып алып, әртүрлі арнайы құралдармен қаруланып, әуежай ғимаратын басып алып, жолаушыларға нақты қауіп төндірген. Әуежай көліктеріне иелік етіп, әуе кемелерінің әуежайға келуі мен кетуіне жол бермеу үшін ұшу-қону жолағын электрмен жабдықтауды тоқтатып, сол кезде аспанда болған және Алматы қаласының әуежайындағы қону алаңына ұшып бара жатқан әуе кемелеріне қауіп туғызған. Әуежай ғимаратында шамамен 200-300 адам әуежайдың, жеке тұлғалардың және шағын және орта бизнестің мүлкін ұрлап, талқандап, өртеп жіберген", - делінген мәлімдемеде.

Соттың мәліметінше, тәртіпсіздіктердің заңсыз әрекеттерінің салдарынан әуежай қызметі 2022 жылдың 5 қаңтары мен 12 қаңтары аралығында тоқтап қалған.

"Желілік полиция бөлімшесіне келген материалдық шығын сомасы – 2 168 726 теңгені құрады; "Алматы халықаралық әуежайы" АҚ – 313 850 654 теңге, "AirAstana" АҚ 5 617 251 теңге шығын келген; ал шағын және орта бизнеске жалпы сомасы 414 113 533 теңге шығын келген", - деп түсіндірді сот.

Айта кетейік, Тәліповтың өзі кінәсін мойындамай, қылмыс құрамының болмауына байланысты қылмыстық істі тоқтатуды сұраған.

Талқылау